Espainian bost zentral nuklear daude ustiapen-egoeran; horietatik, Almarazek eta Ascók bi unitate biki dituzte, hortaz, zazpi erreaktore; eta ustiapena eten duen zentrala da Santa Maria Garoñakoa.

Bi motatakoak dira energia elektrikoa ekoizteko zazpi talde horiek: presioko ur arina erabiltzen dutenak (PWR) eta irakiten dagoen ur arina erabiltzen dutenak (BWR). Antzinatasun hurrenkeraren arabera, honakoa da zentralen zerrenda PWR taldearen baitan: Almaraz, bi unitaterekin (1980 eta 1983); Ascó, bi unitaterekin (1982 eta 1985); Vandellós II (1987); eta Trillo, Espainian abiarazi den azken zentrala (1987).

Irakiten dagoen ur zentralen taldeari (BWR) dagokionez, Santa Maria Garoñakoa da zaharrena (1970), eta Cofrentes da hurrengoa (1984).