As instalacións en desmantelamento, tanto nucleares como do ciclo do combustible, son aquelas que unha vez finalizadas as súas actividades produtivas solicitaron autorización para proceder ao seu desmantelamento e clausura.
En España están nesta situación as antigas centrais nucleares Vandellós I e José Cabrera, varias instalacións do Ciemat e diversas plantas de fabricación de concentrados de uranio: a FUA (fábrica de concentrados de uranio de Andújar), a Planta Elefante, e a Planta Quercus.
De acordo coa normativa española, a responsabilidade de planificar e realizar o desmantelamento das centrais nucleares recae directamente sobre a Empresa Nacional de Residuos Radioactivos, S. A. (Enresa), á que se encomenda tamén a xestión final do combustible nuclear gastado e dos residuos radioactivos que se xeren. Para máis información pódese visitar a páxina web de Enresa (http://www.enresa.es).
